1921 сыллаахха иккис кылаас аһыллыбыта. Учууталынан олохтоох Кычкин Иннокентитй Гаврильевич анаммыта. 

1924 сыллаахха Иннокентий Гаврильевич салалтатынан 20-ччэ оҕо аан бастакы пионерскай тэриртэҕэ киирбитэ. Ити тэрилтэ 1928 с. Дьокуускайдааҕы онус пионерскай этэрээккэ сыһыарыллыбыта. 

1928 сыллаахха 12 оҕо аан бастаан комсомолга чилиэнинэн киирбитэ. ОНон бастакы комсомольскай ячейка үлэтин саҕалаабыта. Тэрийээччи учуутал Кычкин Иннокентий Гаврильевич. 

1932 сыллаахха Көрдүгэҥҥэ олохтоохтор к;;стэринэн саҥа оскуола дьиэтэ тутуллан бүтэн, үлэтин саҕалаабыта. 


Сэбиэскэй былаас маҥнайгы сылларыгар дьон өйө санаата уһуктан үөрэниэн баҕата уһуктубута. Элбэх ахсааннаах тиийиммэт түгэммэт ыал оҕото үөрэнэригэр кыах үөскээбитэ. Ол иһин дьон оскуола астарар туһунан көрдөһүү суруктаах дьону анаан Дьокуускай куоракка ыытар буолбуттара. Ол эрээри барыларыгар оскуола астара охсор кыаллыбат этэ. Дьиэ-уот, онно үлэлиир дьон хамнаһын төлөөһүнэ быһаарыллыбакка харгыс буолара. Кыахтаах, үөрэх туһатын дириҥник өйдүүр прогрессивнай дьонноох нэһилиэккэ бэйэлэрэ барытын быһааран оскуоланы астараллара. 

Ол курдук 1919 сыллаахха нэһилиэк кырдьаҕаһа Иннокентий Федорович Харитонов көрдөһүү суруктаах Дьокуускайга үөрэх отделын сэбиэдиссэйигэр Николай Егорович Афанасьевка киирбитэ. Кини Дойдуунускайга 30 оҕо үөрэнэр сир ырааҕыттан кыһарыйтаран үөрэхтэн матан эрэрин истэн оскуола аһарга сөбүлэспитэ. 1919 сыллаахха алтынньы 1 күнүгэр биир кылаастаах училище арыллыбыта. Учууталынан Муксунов Дмитрий ВАсильевич анаммыта.